Jab bhi duaa mein haath utha karte hain, tumhe aur sirf tumhe maanga
karte hain,
Tum meri pehli aur aakhri tamanna ho, tumhaare hi naam ke sajde kiya
karte hain.
Jahaan bhi dekhun tumhaara hi nazaara hai, tumhaare pyaar ne mujhe kuch
yoon sanwaara hai,
Ki ab duniya ki har cheez achi lagti hai, aur ab lagta hai yeh
jeevan kitna pyaara hai.
Sacha pyaar kya hai maine aaj yeh jaana hai, pyaar sabse khoobsoorat hai
maine aaj yeh maana hai,
Pata nahi main tumhaara pyaar hoon ya nahi, par tum mera pyaar ho maine aaj yeh pehchaana hai.
Pyaar kiya nahi jaata ho jaata hai, kisi ke khayaalon mein dil kho jaata hai,
Jisko bhi yeh sacha pyaar hota hai, naa chaen se rehta hai naa so paata hai.
Tumhaare pyaar mein mera bhi kuch aisa hi haal hai, badle se hum hain aur badli si yeh chaal hai,
Tumhaare hi khayaalon mein khoi hoon main, "Kya hua hai tujhe" puchta dil yeh sawaal hai.
Lagta hai tumhe raas nahi aaya humaara yeh rishta, aaye the meri zindagi mein tum bankar farishta,
Mujhe toh kabhi aisa mehsoos hua nahi par, tumhaare liye lagta hai ban gya kaid yeh rishta.
Tum mujhe chorh meri zindagi se is kadar gye, sainkdon diye jaise tez aandhi se bujh gye,
Mujhse jaane kya bhool ho gyi, jo tum yoon peeth fer kar meri zindagi se chal diye.
Dil ke ek kone mein aaj bhi aas hai, tu mujhse door sahi par dil ke humesha paas hai,
Mere dil ke darwaaze humesha hain khule, meri zindagi mein tumhaari jageh humesha khaas hai.
Agar tumse itni mohabbat na karti, toh tanhaaiyon mein yoon aanhein naa bharti,
Milte toh bataati kaise katt te hain din, kis tareh meri raatein hain katt ti.
Is waqt main aise doraahe par khadi hoon, dil ke saath main bhi asmanjas mein padhi hoon,
Kya hum firse ek ho paayenge, bas inhi sawaalon se hardum main ghiri hoon.
Kabhi lagta hai tum meri zindagi ka hissa ho, phir lagta hai tum koi beeta hua kissa ho,
Tumse judaa hokar jeena mushkil hai, meri dhadkanon aur saanson ka tum hi toh hissa ho...!!!
